Pantun Betawi
Jangan lupa membeli Rambutan
Jangan tiru perilaku setan
Agar hidup sesuai aturan
*
Mayestik di Bayoran
eh si eneng pake lipstik
gak usah kebanyakan
*
Ke Semarang ame bang Malih
Jadi orang jangan ampe salah pilih
*
Buah delime buah nangke
Yuk rame-rame jalan-jalan ke Muara Angke
*
Masak emi sayurnye sawi
Bikin nasi goreng pake terasi
Jangan ngaku ente anak betawi
Kalo ngga ngerti sama tradisi
Beli telor di warung bang Awi
Lebih enak dicampur emi
Kalo ente ngaku orang Betawi
Jangan putusin silaturahmi
Ambil sawi di rumah si Sariyah
Bikin ijuk di rumah si Raka
Orang bilang Betawi betah di wilayah
Kite tunjukin bisa sukses seperti mereka
Rumput kering di bikin sarang
Kebon kosong ditanemin sawi
Jangan sampe generasi sekarang
Ampe lupa teradisi Betawi
Masak itik ampe mateng
Lebih empuk campur daun paye
None cantik abang ganteng
Ape masih kenal roti buaye
Keramat di puun beringin
Puun pepaya kite tebangin
Jangan ngadat kite seringin
Mending budaye kite kembangin
Naek kereta pergi ke Tambun
Jangan lupa bawa termos
Jakarta Ulang Tahun
mau ke PRJ ga gablek ongkos
Masak jengkol mesti dibanyakin
Pake bumbu sereh emang kaga ngenakin
Budaye dan kesenian perlu dimajuin
Asal jangan kawin cere yang dilestariin
Puun lontar pade ditebang
Kerang dipasar pade ditebar
Jadi orang sabar aje bang
Orang sabar pintu rezekinye lebar
Ijo ijo daun rambutan
Jatoh diatas rerumputan
Biar Betawi ato bukan
Sering-sering aje ente pade keliatan
sumber:
urbn.ga/bldua
image:
3.bp.blogspot.com
urbn.ga/bldua
image:
3.bp.blogspot.com
Comments
Posting Komentar